Adalek ar bloaz-mañ e c’hellfe bezañ savet un uzin eoged e Plouizi (22). D’an 1 a viz Even 2021 o deus anavezet an annezidi pa z’eo bet kadarnaet ar gwerzh eus 10 hektar da embregerezh norvejian Smart Salmon gant kumuniezh kumunioù Gwengamp Pempoull. E miz Kerzu 2019 e oa bet anavezet dija gant ar c’hazetennoù arbennik.
En em aozañ a ra an arguz abaoe. Tost 200 den o doa manifestet d’ar Sul 12 a viz Kerzu 2021 war-lerc’h galv strollad Dourioù Gouez – hag a zo bet savet a-ratozh-kaer. « An tennadennoù dour zo re evit an tiriad », he doa diskleriet kevredigezh Eaux et rivières de Bretagne. Hervez ar Confédération paysanne ez eus re a zistaolioù azot ha fosfor en tiegezh-se. 8.700 gwiz a c’hell bezañ kavet e-barzh hervezi. Priz gwerzh an tachennoù (14 € ar m²) zo rebechet gant ar Confédération paysanne ivez, « ur skoazell-arc’hant kuzhet an hini eo ». Brud an eoged savet e Bro Norvej zo anavezet betek Breizh : an eoged zo leun a louzoù e-barzh, laou warno ha noazus evit ar bioliesseurter.
Teknologiezh Reciculating aquaculture systems pe RAS a vez implijet gant Embregerezh Smart Salmon. Da lavaret eo e vez adimplijet ul lodenn eus an dour e-barzh ur sistem serret. A-drugarez d’e geveler israelat Aquamaof e vez lakaet « protokolioù biodiogel resis hag ur c’hontroll endroel klok hag a servij da zilamañ antibiotikoù ha produioù kimiek ». Brabañsal a ra prezidant strollad sosialist ar c’humuniezh kumunioù Vincent Le Meaux ur raktres « agro-ekolojik ». Lakaat a ra war-wel e vo efedoù arc’hant ha krouet e vo labour. Koulskoude ne c’heller ket gwiriañ ar pezh a zo lavaret gantañ.
E-pad an hañv e c’hellfe kregiñ an enklask foran. Netra da ziskleriañ evit ar pennadurezhioù : netra da reiñ da c’houzout !
20.000 tonnen
Setu niver an eoged a fell da embregerezh Smart Salmon produiñ bep bloaz e Plouisi (1.967 annezer).
« Gallout a reer keñveriañ niver hag industriezh magerezh an eoged hag hini ar moc’h. Ha me lavarfe eo gwasoc’h hini an eoged. »
Harpit « Splann ! » evit lakaat da greskiñ ur media enklask dizalc’h el linenn e Breizh
« Splann ! » a zo ur gevredigezh (mod lezenn 1901) a zo he fal dezhi kas da benn enklaskoù-kazetenniñ poellek evit an dud e Breizh hag ar bed, e galleg ha brezhoneg. Embannet e vezont war hon lec’hien splann.org digoust. Keleier fresk ‘vez kaset gant hon lizher-kelaouiñ. A pep tra a-drugarez eus ar pezh ‘vez roet ganeoc’h.
Neuze ar pezh ‘vez roet ganeoc’h ’vez tu tennañ eus an tailhoù eus 66 %.
Splann !, ur media hep NA/IA ennañ
Ne vez ket graet enklaskoù gant an naouegezh artifisiel. Produet eo hon pennadoù, hon videoioù hag hon podkastoù gant kazetennerien gwir ha bev. Kit da lenn hon c'harta buhezegerzhel ha dleadel
Titouroù ‘peus da lâret ganeomp ?
Skrivet deomp : contact [@] splann.org ha displeget e vo deoc’h penaos kas teulioù deomp en un doare sur. Doareoù all da vont e darempred ganeomp.
- Article précédent: Petra 'zo c'hoarvezet a-houde embann « Breizh : c'hwezh an amoniak er maez » ?
- Article suivant: Skiantourien a ya pelloc'h gant o anaoudegezh war ar marvañs gaozen d'an amoniak implijet el labour-douar en Europa