Divontet e oa bet adarre rod karr-tan Morgan Large, kazetennerez hag ezel eus Splann !, d’ar 25 a viz Meurzh, da lâret eo daou vloaz rik goude ar wech kentañ. Un nebeud devezhioù war-lerc’h o doa klasket tud mont tre e studio Radio Kreiz Breizh (RKB) e Rostrenenn.
Chom mut ha mont war-gil ? Dibosupl ! Diskouezet ez eus bet mat gant Nicolas Legendre eo re bouezus ar pezh a c’hoarvez war maezioù Breizh. Evit ar re a vefe douetañs ganto c’hoazh, ar fed e vefe taget un eil gwech hon c’henlabourerez Morgan Large lak a ra da soñjal pegen galloudus eo tud zo er vro.
Daou vloaz rik goude bezañ bet divontet rod he c’harr-tan e-pad an noz dirak he zi, setu he rod divontet en-dro ur wech all dirak he zi. Lakaet eo bet buhez Morgan en dañjer div wech. Ober an dra-se zo feuls-kenañ, tost ken feuls ha kaout ur bistolenn lakaet warni. Gwashoc’h c’hoazh : se zo un doare da lakaat an dud da gaout aon, dezhi met ivez d’an holl o defe c’hoant kelaouiñ pe mont a-enep ur sistem. Evel-just, e Splann !, e vez graet al liamm etre labour kazetenniñ Morgan Large hag ar pezh zo bet c’hoarvezet ganti.
Fellout a ra deomp e vefe mod-all… Met setu ar goulenn : pet kazetenner zo bet miret outañ d’ober e labour pe lakaet e dañjer ? Betek pelec’h e vo laosket gant ar Stad seurt traoù da c’hoarvezout ? C’hoant he deus Splann ! da genderc’hel gant he labour ha lakaat war wel an doare-se d’ober. Mersi bras evit ho souten d’an holl vMorganed Large a zo er bed hag o deus ezhomm ac’hanoc’h. Ne c’hallfe ket Splann ! mont war-raok hepdoc’h.
Harpit « Splann ! » evit lakaat da greskiñ ur media enklask dizalc’h el linenn e Breizh

« Splann ! » a zo ur gevredigezh (mod lezenn 1901) a zo he fal dezhi kas da benn enklaskoù-kazetenniñ poellek evit an dud e Breizh hag ar bed, e galleg ha brezhoneg. Embannet e vezont war hon lec’hien splann.org digoust. Keleier fresk ‘vez kaset gant hon lizher-kelaouiñ. A pep tra a-drugarez eus ar pezh ‘vez roet ganeoc’h.
Neuze ar pezh ‘vez roet ganeoc’h ’vez tu tennañ eus an tailhoù eus 66 %.
Splann !, ur media hep NA/IA ennañ
Ne vez ket graet enklaskoù gant an naouegezh artifisiel. Produet eo hon pennadoù, hon videoioù hag hon podkastoù gant kazetennerien gwir ha bev. Kit da lenn hon c'harta buhezegerzhel ha dleadel
Titouroù ‘peus da lâret ganeomp ?
Skrivet deomp : contact [@] splann.org ha displeget e vo deoc’h penaos kas teulioù deomp en un doare sur. Doareoù all da vont e darempred ganeomp.
- Article précédent: Iberdrola e Amerika er Su : fall ar jeu abaoe 20 vloaz
- Article suivant: Na zisoñjit ket da dennañ ho tonezon eus ho tailhoù !






