Un uzin fardañ bara gant chokolad ha kouignoù a-bop seurt ‘vo savet e Lifre, e norzh Roazhon, war douaroù gouestlet d’al labour-douar. Tud ‘zo er gumun ‘zo oc’h en em aozañ ‘enep d’ar raktres dañjerus evit an endro.
42 devezh arad douaroù labour-douar ‘vo distrujet e Lifre, norzh Roazhon, gant ur raktres agro-boued. Un uzin ‘vo savet gant strollad Le Duff (Brioche Dorée, Del Arte…) a-benn produiñ 650 tonelat bara ha kouignoù bemdez da gas da vroioù estren a-benn 2024.
Peadra ‘zo da zigas implijoù hag arc’hant d’ar gumun, eme ar maer, (500 postoù labour krouet sañset). Met ur bodad tud ‘zo krog o stourm a-enep d’ar raktres buan a-walc’h. Colère eo anv ar strollad a glasko mirout kleuzioù al lec’h. Tro-war-dro, ur bern douaroù a ‘zo bet distrujet dija gant raktresoù lodennadoùigoù ha takadoù industriel all.
Meur a garr-samm a dremeno bemdez dre an uzin hag a implijo kalzig a zour ha danvezioù n’int ket lec’hel evit he froduiñ. Pep tra da lazhañ an endro hervez an dud o chom e-kichen.
D’ar 25 a viz Mae, ar c’homiser ‘neus roet un ali pozitivel d’ar raktres, en ur lakaat war well « meur a riskl ». E-pad an enklask foran, « enquête publique », ‘zo bet 200 alioù tud a-enep d’an usin war 269 en holl.
187.000 m³
Setu ar pezh ‘vo implijet bep bloaz gant an uzin. Kement ha hanter kêr Lifre.
« Lakaat betoñs war douaroù naturel ‘zo fall-kenañ evit tachennoù gleb, dour ar stêrioù, hag ar merañ dour-glav. »
Harpit « Splann ! » evit lakaat da greskiñ ur media enklask dizalc’h el linenn e Breizh
« Splann ! » a zo ur gevredigezh (mod lezenn 1901) a zo he fal dezhi kas da benn enklaskoù-kazetenniñ poellek evit an dud e Breizh hag ar bed, e galleg ha brezhoneg. Embannet e vezont war hon lec’hien splann.org digoust. Keleier fresk ‘vez kaset gant hon lizher-kelaouiñ. A pep tra a-drugarez eus ar pezh ‘vez roet ganeoc’h.
Neuze ar pezh ‘vez roet ganeoc’h ’vez tu tennañ eus an tailhoù eus 66 %.
Splann !, ur media hep NA/IA ennañ
Ne vez ket graet enklaskoù gant an naouegezh artifisiel. Produet eo hon pennadoù, hon videoioù hag hon podkastoù gant kazetennerien gwir ha bev. Kit da lenn hon c'harta buhezegerzhel ha dleadel
Titouroù ‘peus da lâret ganeomp ?
Skrivet deomp : contact [@] splann.org ha displeget e vo deoc’h penaos kas teulioù deomp en un doare sur. Doareoù all da vont e darempred ganeomp.
- Article précédent: Endro : ingalañ a ra « MRAE Breizh » menegoù skort
- Article suivant: Amonitratoù hep evezh