Un enklask bet savet gant Samy Archimède hag Itzel Marie Diaz.
Abaoe kant hanter-kant vloaz zo eo liammet a-dost planedenn Sant-Nazer ouzh al listri-bale marzhus deuet er-maez eus kalioù Chanterioù an Atlantel. Ur berzh ekonomikel bet tizhet a-drugarez da vilieroù a implijidi, en o zouez e-leizh a vicherourien deuet eus a-bell-vro alies, implijet gant embregerezhioù eil-kevratour evit labourat a-frapadoù, ha lakaet war var da voged soudiñ ha da zanvezioù pistrius all dañjerus evit o yec’hed.
Da heul ar sevel listri eo erruet embregerezhioù industriel e-leizh d’en em staliañ e Sant-Nazer. Seizh outo a gaver er rumm Seveso, abalamour ma vez produet pe sanailhet ganto danvezioù a c’hell bezañ dañjerus evit an dud hag an endro. An embregerezh temz industriel Yara da skouer, hag ar burerezh TotalEnergies a vez o terriñ reoliadurioù ingal, en ur lakaat en arvar bras yec’hed o implijidi.
Klikit amañ evit digeriñ ar gartenn en ur prenestr nevez.
Koust denel al listri dudi e Sant‑Nazer
Mordreizherioù-bale bras-divent ha lorc’hus ha listri-brezel : ur plas a-zoare a zo bet tapet gant Chanterioù an Atlantel, fleurenn industriezh ar Frañs, e porzh-mor Naoned-Sant-Nazer (44). Met en tu all d’an arouez, e-kreiz moged ar souderien ha flaer an tireoul o tiverañ, e kaver na pet implijad embregerezhioù eil-kevratour lakaet war var da zanvezennoù pistrius.
Kontet e vez istor Loig er pennad-mañ, ul labourer a-frapadoù. Klañv eo abalamour ma zo bet alanet gantañ krome 6, un danvez a reiñ krankoù-bev. Diskouez a ra mat ar skouerenn-se ne vez ket doujet ouzh ar reolennoù surentez. Ha gant ma vez implijet muioc’h-mui a embregerezhioù eil-kevratour eo diaesoc’h-diaesañ da chom war evezh diwar-benn yec’hed ar vicherourien.
Gopridi en arvar e labouradegoù erru re gozh ti Yara ha Total
Beradurioù, tredan sachet, dale gant ar c’hempenn : nag a reuz e labouradeg temz industriel Yara hag e purerezh TotalEnergies, div lec’hienn dindan sturiad Seveso a gaver e-tal Sant-Nazer. Un endro gwall arvarus evit kantadoù a vicherourien a c’hell bezañ lakaet war var d’an amoniak, d’an nitrat amoniom, d’ar benzen ha d’an hidrokarbidennoù aromatek lies-kelc’hiek.
Ankeniet eo an annezidi evit ho yec’hed, ho surentez hag an endro, dreist-holl abaoe eo bet marvet un den war e labour. Taolioù gastiz a vez roet d’an uzinoù gant ar Stad, met dale zo evit kempenn an traoù.
Harpit « Splann ! » evit lakaat da greskiñ ur media enklask dizalc’h el linenn e Breizh
« Splann ! » a zo ur gevredigezh (mod lezenn 1901) a zo he fal dezhi kas da benn enklaskoù-kazetenniñ poellek evit an dud e Breizh hag ar bed, e galleg ha brezhoneg. Embannet e vezont war hon lec’hien splann.org digoust. Keleier fresk ‘vez kaset gant hon lizher-kelaouiñ. A pep tra a-drugarez eus ar pezh ‘vez roet ganeoc’h.
Neuze ar pezh ‘vez roet ganeoc’h ’vez tu tennañ eus an tailhoù eus 66 %.
Splann !, ur media hep NA/IA ennañ
Ne vez ket graet enklaskoù gant an naouegezh artifisiel. Produet eo hon pennadoù, hon videoioù hag hon podkastoù gant kazetennerien gwir ha bev. Kit da lenn hon c'harta buhezegerzhel ha dleadel
Titouroù ‘peus da lâret ganeomp ?
Skrivet deomp : contact [@] splann.org ha displeget e vo deoc’h penaos kas teulioù deomp en un doare sur. Doareoù all da vont e darempred ganeomp.
- Article précédent: [Kartenn nevez] Ne zigresk ket ar c’hementad a bestisidoù e stêrioù Breizh
- Article suivant: Lobi ar sindikat labour-douar FNSEA dre ar munut