Bep bloaz ez a diwar-wel 23.500 km kirzhier e Bro-Frañs. Talvoudus-meurbet eo kleuzioù ha girzhier gwalarn Frañs e-tal reuz direizhder an hin ha diskar ar vev-liesseurted. Padal e vezont degemeret evel skoilhoù gant lod eus al labourerien-douar, dre ma vezont degemeret evel un diaezamant a vez o c’horrekaat ar mekanikoù. E kornog Frañs emañ en arvar ar garzhaoueg : spontet e vez skiantourien zo, ken buan ez a da fall ar girzhier.
Setu ar pezh a c’haller lenn en enklask nevez gant bet skrivet gant Nolwenn Weiler ha Yann-Malo Kerbrat. E Breizh, daoust d’an holl arc’hant publik plantet e programoù evit saveteiñ ar c’hleuzioù e kendalc’h da vont diwar-wel kirzhier e lec’hioù gwarezet beteken. Gwashoc’h c’hoazh : 80 % eus ar garzhaoueg n’eo ket kempennet mat.
159 kmad kirzhier distrujet e Bro-Dreger
N’eus teul ebet e Breizh a renablfe ar c’hleuzioù bet diskaret. Gant Splann ! eo bet kaset un enklask en ul lodenn eus Bro-Dreger, e gwalarn ar vro.
Hep mar na marteze e konter 159,2 kmad kleuzioù aet da get etre 2003 ha 2023.
En takad-mañ e kaver meur a arouez eus ar stourm evit kalite an dour.
Da gentañ e kaver ennañ takadoù keriakaet-tre, ha takadoù kleuzioù ha girzhier stank-tre ivez.
Eno emañ eienenn al Leger hag eno e ya betek ar mor, ar stêr nemeti e Breizh gant al label «Stêr gouez» evit al lodenn en argrec’h anezhi. Hag erfin e kaver war an takad-mañ ivez kudenn ar glandour (bezhin glas) e bae Lokmikael-an-Traezh.
C'hoant en deus ar gouarnamant simplaat an normoù
Kement servij degaset d’an endro gant ar girzhier ha kleuzioù, met dreist-holl d’ar boblañs a-bezh, padal e kouezh ar c’houst merañ war zivskoaz al labourerien-douar nemetken. Merañ ar c’hleuzioù ha girzhier a c’houlenn neuze amzer hag arc’hant. Evit ma chomfent en o flas e vefe ret sikour al labourerien-douar, ha ma vefe niverusoc’h ar re-se.
Paket eo ar vro gant ul luskad sokial a-berzh al labourerien-douar abaoe un nebeud sizhunvezhioù. Hag hervez labourerien-douar zo ez eo gwarez ar c’hleuzioù a zo un diaester da skarzhañ. Embannet eo bet neuze gant Gabriel Attal, pa oa ret dezhañ degas ur respont, e vefe eeunaet ar reolennadur en e raktres lezenn anvet « evit ul labour-douar emren ».
Daoust d’ar reolennoù a dalvez hiriv an deiz e kendalc’h ar girzhier hag ar c’hleuzioù da vont war fallaat. Ha ken buan m’eo bet souezhet ar glaskerien. E kaoz : patrom askoridik al labour-douar, ha brasaat ar parkeier.
Harpit « Splann ! » evit lakaat da greskiñ ur media enklask dizalc’h el linenn e Breizh

« Splann ! » a zo ur gevredigezh (mod lezenn 1901) a zo he fal dezhi kas da benn enklaskoù-kazetenniñ poellek evit an dud e Breizh hag ar bed, e galleg ha brezhoneg. Embannet e vezont war hon lec’hien splann.org digoust. Keleier fresk ‘vez kaset gant hon lizher-kelaouiñ. A pep tra a-drugarez eus ar pezh ‘vez roet ganeoc’h.
Neuze ar pezh ‘vez roet ganeoc’h ’vez tu tennañ eus an tailhoù eus 66 %.
Splann !, ur media hep NA/IA ennañ
Ne vez ket graet enklaskoù gant an naouegezh artifisiel. Produet eo hon pennadoù, hon videoioù hag hon podkastoù gant kazetennerien gwir ha bev. Kit da lenn hon c'harta buhezegerzhel ha dleadel
Titouroù ‘peus da lâret ganeomp ?
Skrivet deomp : contact [@] splann.org ha displeget e vo deoc’h penaos kas teulioù deomp en un doare sur. Doareoù all da vont e darempred ganeomp.
- Article précédent: Mordreizherioù bale bet arc'hantet gant ar Stad evit an treuzkemm ekologel
- Article suivant: Ganet eo Arsellva Frañs ar gourdrouzoù war frankiz ar c’helaouiñ






